تاملات في سماء جيران

العاقل عمره ما يحتد أو يهتز أو يتهان

ولا يرضى إلا بالمجد أو بالنصر بكل إباء

و لا يرضخ إلا للحق أو للعدل بكل إيمان

و طريقه مليان بالخير من أجله ولكل الناس

خطوته ثابتة وعارفة غايتها بنظافة وبكل ذكاء

كلمته فكره وكل مشاعره مرهونة بأمر الرحمن

و لا يتخيل إنه في يوم يظلم إنسان

أصله رحيم بالناس وبنفسه وخايف يوم يتحاسب الناس

عارف إن الدنيا دي لحظة ما بتبقي إلا بأعمال

تنفع غيره وتثبت دايماً أنه صحيح فعلاً إنسان

يقدر إنه يعيش ويعمَّر ينشر دينه بكل سلام

يصدق يعدل وعزيز دايماً أصله مصان

يحفظه ربه طول ما هو حافظه ولا يعجزه مخلوقٌ كان

يمكن يوم إنساننا يخاف أو يخسر بعض الأموال

لكن صبره بيحضر قلبه والمنجي هو الإخلاص

ألفين إيد تتمد تشيله بتساعده وتتمنى رضاه

توفي له يوم ما سبق يساعدها وتنسى له زلة أو زلات

يرجع تاني قوي ويتعلم من أخطائه ومن الأزمات

ويصير أقوى كمان م الأول بالله طبعاً ثم الناس

د. دعاء فاروق عنان

28 عام

صيدلانية مصرية